Transcription
1
Monsegneur, jey esté adverti par monsieur de Granieu que vous
2
faisant tenir ung scien despeche par mesme, il vous a envoyé voz lettres
3
de la chastellenie de Granne quil a remis à la poste de ceste ville
4
dès yer, dequoy je vous ay bien vollu advertir affin quelles
5
ne sesgarent. Touteffois, elles sont deuement enregistrées tant au greffe
6
criminel de ce parlement chambre des comptes, que aux registres de mondit
7
sieur de Granieu que sont en troys lieulx, de façon que par tout voz y auriés
8
recours. Je masseure que avant que de les vous mander, il y aura mis
9
au dessus ses lettres dattache et quil vous a couché les gages sus son
10
estat, comme ainsi il le ma faict entendre et quil vous en a escript.
11
Jey payé aux clercz en greffe et des comptes quatre testons pour les enregistrer
12
et avoir lexpediction necessaires. Quant aux secretères, ilz nen nont rien prins.
13
Jey payé 22 escus sol à ma damoyselle de Ventes. Ceulx de Myans
14
ne sont encores venuz pour prendre leur legal que je leur payerey.
15
Voz ancolletz de voz chemises ne sont encoures parachevés. Je masseure
16
que je les aurey pour caresme prenant. Il ny a chose que merite vous
17
escripre fors que je prierey Notre Seigneur vous donner
18
monsegneur en très bonne saincté et longue vie. De Grenoble,
19
ce VIIe febvrier 1574.
20
Je ney receu aulcunes
21
nouvelles de voz
22
rentiers de Lyon
23
moings payement.
24
Après la presente escripte, les
25
religieulx de Notre Dame de Myans
26
sont arrivés, ausquelz jey donné
27
voz lettres et payé le legal de
28
trente livres ts. à eulx donné par feu
29
madame, desquelles jey retiré
30
quictance par moien de notaire en
31
bonne forme. Ilz vous remercient
32
remercient bien humblement de la
33
bonne souvenance que avés deulx.
34
Votre humble et obeyssant serviteur
35
à jameys jehan de brunel